Орон нутгийн сонгуульд эмэгтэй нэр дэвшигч 30 хувь байх хуулийн төсөл санаачилж өргөн барьсан тухайгаа УИХ дахь эмэгтэй гишүүд мэдэгдэж хэвлэлийн хурал хийлээ. Ээлжит бус чуулганаар батлагдсан Орон нутгийн сонгуулийн тухай хуульд эмэгтэй нэр дэвшигч тэдэн хувь байна гэж зааж өгөөгүй аж. Тиймээс дээрх хуулийн төслийг санаачилсан юм байна. Тэдний хэлснээр 2013 оноос төсөв шинэчилсэн хуулиар хэрэгжиж, улс төрийн нөхцөл байдал ч өөрчлөгдөх тул эмэгтэйчүүдэд квот тавьж өгөх зайлшгүй шаардлага гэнэ.
Орон нутгийн сонгуульд нэр дэвшүүлэх үйл ажиллагаа энэ сарын 5-нд эхэлж 9-ний өдөр дуусна. Тиймээс үлдээд буй ганц хоногт амжуулж хуулиа батлуулна гэдгээ хэвлэлийн бага хурал хийлгэсэн гишүүд хэллээ.