УИХ-ын чуулганы нэгдсэн хуралдаан өнөөдөр 12.00 цагаас эхэлнэ. Сонгуулийн ерөнхий хорооны дарга Н.Лувсанжав үүрэгт ажлаасаа чөлөөлөгдөх өргөдлөө өгсөн учир өнөөдрийн хуралдаанаар Сонгуулийн ерөнхий хорооны удирдлагыг чөлөөлөх, томилох тухай асуудлыг хэлэлцэх аж. Түүнчлэн Монголбанкны Дэд ерөнхийлөгчийг томилох, Дээд шүүхийн шүүгчид нэр дэвшигчдийг танилцуулах зэрэг асуудал хэлэлцэх асуудлын дараалалд багтсан байна. Харин чуулганы үдээс хойшхи хуралдаанд Ерөнхий сайд Н.Алтанхуяг цаг үеийн асуудлаар гишүүдийн тавьсан асуултад хариулт өгна.

Байнгын хороодоор доорх асуудлыг хэлэлцэнэ.
1.Хууль зүйн байнгын хорооны хуралдаан 09.00 цагаас “А” танхимд:

Хэлэлцэх асуудал: Улсын Дээд шүүхийн шүүгчид нэр дэвшигчдийг танилцуулах тухай асуудал.

2.Төрийн байгуулалтын байнгын хорооны хуралдаан 10.00 цагаас “А” танхимд:

Хэлэлцэх асуудал: Сонгуулийн ерөнхий хорооны удирдлагыг чөлөөлөх, томилох тухай асуудал;

3.Эдийн засгийн байнгын хорооны хуралдаан 10.30 цагаас “Б” танхимд:

Хэлэлцэх асуудал: Монголбанкны Дэд ерөнхийлөгчийг томилох тухай асуудал.