Авлигатай тэмцэх газрын Мөрдөн шалгах албаны дарга Э.Амарбатаас Ашигт малтмалын газрын дарга асан Д.Батхуягт холбогдох хэргийн талаар тодруулга авлаа.

-АМГ-ын дарга асан Д.Батхуягт холбогдох хэргийг шалгаж дууссан уу. Түүнийг хэргээ хүлээсэн гэх юм?
-Түүнд эрүүгийн хэрэг үүсгэснээс хойш зургаан сар орчим хугацаа өнгөрлөө. Хэргийн хамрах хүрээ өргөн учир цаашид ч шалгаж, мухарлах зүйл олон байна.
-Энэ хэрэгт холбоотойгоор АМГ-ын цөөнгүй ажилтныг ч шалгахаар хорьсон тухай мэдээлэл гарч байгаа. Энэ үнэн үү. Ер нь, энэ хэрэгт хэчнээн хүнийг холбогдуулан шалгаж байгаа вэ?
-Одоогоор АМГ-ын дарга асан Д.Батхуяг, Геологи уул уурхай кадастрын хэлтсийн даргаар ажиллаж байсан Б.Даваацогт нарыг шалгаж байгаа.
-Б.Даваацогтыг мөрдөн байцаалтаас зугатаж, гадаад руу оргон зайлсан тухай мэдээлэл ч түгсэн. Энэ үнэн үү?
-Наадах чинь ташаа мэдээлэл байна.