Шинэчлэлийн Засгийн газар байгуулагдсанаар ард иргэдээ сонсдог байхаар сар бүрийн хоёр дахь долоо хоногийн мягмар гаригт “Шинэчлэлээр шийдье-222” арга хэмжээг зохион байгуулдаг болсон. Энэ арга хэмжээний хоёр дахь нь өнөөдөр Ерөнхийлөгчийн дэргэдэх Иргэний танхимд болох юм. Хэлэлцүүлгээр Монгол Улсын төсвийн талаар иргэдийн санаа бодлыг сонсох үүднээс “Үрэлгэн төсөв-Үр ашиггүй зарцуулалт” сэдвийн дор мэтгэлцээн өрнүүлж, хэлэлцүүлэг зохион байгуулна. Хэлэлцүүлэгт эрдэмтэн, судлаачдаас гадна жирийн иргэд ирж Монгол Улсын төсвийн талаар байр сууриа илэрхийлж, санал бодлоо хэлэх юм байна.