Сүүлийн найдвар нь орон нутгийн сонгууль болоод байгаа МАН-ынхан удирдлагын бүтэцдээ томоохон өөрчлөлт хийж эхэллээ. МАН-ын Ерөнхий нарийн бичгийн дарга Г.Занданшатар тэргүүтэй хүмүүс өнөөдөр намынхаа шинэ бүтцийг танилцуулсан юм. Тэрбээр “МАН УИХ-ын сонгуульд оролцсон алдаандаа сургамж авч, орон нутгийн сонгуульд шинэ арга барилаар оролцох болно. Энэ хүрээнд МАН-ын төв аппаратад бүтцийн өөрчлөлт хийлээ” гэсэн юм.
Шинээр буй болж байгаа удирдлагын бүтцэд МАН-ын дотоод асуудлыг хариуцах Хэрэг эрхлэх газрын Тамгын газрын даргаар Ш.Раднаасэдийг, Намын байгуулалтын хэлтсийн даргаар Байгаль орчны дэд сайд асан Ч.Жаргалсайхан, Улс төрийн бодлогын хэлтсийн даргаар Н.Дэмбэрэл, Хэвлэл мэдээлэл, олон нийттэй харилцах албаны даргаар Б.Хажидмаа, Мэдээллийн технологийн хэлтсийн даргаар Б.Цогтгэрэл нарыг томилсон байна.