Монгол Улсын ерөнхий аудитор Ч.Раднаа ажлаасаа чөлөөлөгдөх хүсэлт гаргасны дагуу Ерөнхий Аудиторыг ажлаас чөлөөлөх, томилох асуудлыг УИХ-ын Төсвийн байнгын хорооны хуралдаанаар хэлэлцэж УИХ-ын чуулганы хуралдаанд танилцуулахаар болов. Ерөнхий Аудиторыг УИХ-ын дарга санал болгодог хуультай. Үүний дагуу УИХ-ын дарга З.Энхболдын санал болгосон А.Зангадыг Ерөнхий Аудитороор томилох эсэхийг тус байнгын хороогоор хэлэлцэж УИХ-ын чуулганаар хэлэлцүүлэх нь зүйтэй гэж үзлээ.