УИХ-ын чуулганы нэгдсэн хуралдаан Монгол Улсын ерөнхий аудитор Ч.Раднааг албан тушаалаас нь чөлөөлөх тухай хэлэлцэж түүнийг гишүүдийн олонхийн саналаар үүрэгт ажлаас нь чөлөөлөв. Харин түүний оронд УИХ-ын даргын санал болгосны дагуу А.Зангадыг томилох асуудлыг хэлэлцсэн юм. түүнийг УИХ-аар хэлэлцэх үед УИХ-ын гишүүн С.Эрдэнэ “Өмнө нь аудитын газар дан Булганыхан байсан. Р.Жавзмаагийн дараа Ч.Раднаа болсон. Байгууллагын үйл ажиллагааг шалгасан шиг шалгаж хариуцлага тооцвол тооцсон шиг явах хэрэгтэй. Аудит хийдэг ажилд чанарын өөрчлөлт гаргаж еэвэнддэг, гурилддаг хүмүүст арга хэмжээ аваарай. Ц.Нямдорж сайд Хууль зүйн яамыг Увсынхнаар дүүргэсэн. Тэгвэл Аудитын байгууллага энэ нутаг усны асуудлыг сайн шалгаарай” гэв. Харин УИХ-ын гишүүн Ц.Нямдорж, " А.Зангад Өвөрхангайн хүн байна. УИХ-ын дарга Өвөрхангайх. тэгэхээр нутгийнхаа хүнийг оруулж ирж байгаа нь ашиг сонирхлын зөрчилтэй байж мэдэх" гэсэн юм. харин үүнийг УИХ-ын дарга З.Энхболд няцааж миний төрсөн газар Улаанбаатар хот гэсэн юм. Ийн Монгол Улсын Ерөнхий Аудиторыг томиллоо.