МАХН-ын гишүүд “Орон нутгийн сонгуульд МАХН-ын дарга Н.Энхбаярын оролцоо” сэдвээр мэдээлэл хийлээ. Хуралд тус намын орон нутгийн төлөөлөл оролцож, төр түшилцэж буй улс төрийн нам, эвслүүдэд уриалга хүргүүлж буйгаа энэ үеэр хэллээ. Уриалгад Монгол улсын иргэнд газар өмчлүүлэх тухай хуулийн үйлчлэх хугацаа 2013 оны тавдугаар сарын 1-нд дуусах гэж байгаа ч газрыг иргэдэд өмчлүүлэх явц тааруу байгаа, Жишээ нь Улаанбаатар хотын иргэдийн наймхан хувь нь газар өмчилж авсан. Харин үлдсэн хүмүүс нь газар эзэмшиж чадахгүй байна. Тиймээс газар эзэмшиж амжаагүй иргэдэд “Мянганы зам”-ын дагуу газар олгох нь зүйтэй болов уу. Мөн Монгол Улсын цэцэрлэгийн насны хүүхдүүдийн 45 хувь л цэцэрлэгт суралцаж байна. Эдгээр хүүхдүүд улсаас бүх цахилгаан дулаан, хоол хүнс зэрэг халамж үйлчилгээгээ авч чадаж байгаа. Харин ар гэр нь хүүхдээ цэцэрлэгт өгөх бололцоогүй өрх, малчин гэр бүлийн хүүхдүүд яах вэ. Энд төрөөс анхаарлаа хандуулах ёстой” хэмээн дурджээ.