УИХ дахь МАН-ын гишүүд дөнгөж сая  хэвлэлийнхэнд хандаж мэдэгдэл хийлээ. МАН-аас сонгогдсон гишүүд маргааш 15.00 цагт эхлэхээр  зарлаад байгаа УИХ-ын нэгдсэн чуулганы хуралдаанд оролцохоор болсноо  УИХ дахь МАН-ын гишүүдийн ахлагч Н.Энхболд гэж мэдэгдлээ.  Харин УИХ-ын гишүүн, Н.Энхболд Ардчилсан нам дахь УИХ-ын бүлгийн дарга Д.Эрдэнэбаттай уулзаж ярилцаж, Д.Зоригт, Г.Батхүү нарыг тангараг өргүүлэх асуудлыг түр хойшлуулж, цаг хугацааны хувьд тулгамдаад  байгаа ирэх жилийн төсвийн төслийг хэлэлцэхээр тохиролцсон тул  ийн чуулганы хуралдаанд оролцохоор болсон байна.
Төсвийн шинэ хуулиар бол ирэх жилийн төсвийг дөрвөн хэлэлцүүлгээр дамжуулж арваннэгдүгээр сарын 15 гэхэд батлах ёстой юм. Гэтэл одоо төсвийн төслийн хоёрдугаар хэлэлцүүлгийг л байнгын хороодоор хэлэлцэж эхлээд байгаа учраас хоёр тал ийнхүү тохиролцсон гэнэ.