Шинэчлэлийн Засгийн газар анхныхаа шийдвэрээр Төрийн ордныг түмэн олонд нээлттэй болгосон бол энэ сарын 12-нд ард иргэдийнхээ санал бодлыг сонсох, хүлээж авах “11-11” төвийг нээсэн. Ингэснээр иргэн өөрийн биеэр эл төв дээр очих болон “11-11” тусгай дугаар руу залгаж, шинэчлэлээр шийдэх олон асуудалд өөрийн санал санаачлагыг төрийн бодлогод чөлөөтэй тусгах боломжтой болсон юм. Өнгөрсөн  11 хоногийн хугацаанд БШУЯ-д хандсан  218 асуулт, санал ирсний 85 хувьд нь буюу 174-д нь тус  яамны мэргэжилтнүүд хариу өгчээ. Үүнээс гадна БШУЯ бие даан “1209” дугаарыг энгийн утасны тарифаар ажиллуулж, боловсрол, шинжлэх ухааны салбарт хийх шинэчлэлд иргэн бүрийн саналыг авч байгаа гэнэ.  Энэ мэт төр, иргэнийг холбосон ажил үр дүнгээ өгч эхэлж байгаад иргэд ам сайтай байна.