МҮАН-тай эвсч “Шударга ёс” эвсэл байгуулан сонгуульд оролцож УИХ-д суудалтай гурав дахь нам болоод байгаа МАХН нөгөөдөр Бүх ард түмний хуралдай зохион байгуулах гэнэ. Энэ хуралдайд хөдөө орон нутаг, нийслэлээс хоёр мянга гаруй төлөөлөгч оролцох юм байна. Энэ удаагийн хуралдайгаар улс оронд болж байгаа улс төр, нийгмийн үйл явдлуудын талаар хэлэлцэж, ард түмний үгийг сонсох юм байна. Үүний өмнө 2011 оны дөрөвдүгээр сарын 22-нд Бүх ард түмний хуралдай болж “Төрд шургалсан 15 толгой олигархи”-ийг нэрлэж байсан билээ.