Дилов Хутагт Данзанламэд, Оуэн Латтиморын ач охин Анн Латтимор Прайс, Пенсильванийн их сургуулийн профессор Кристофер Этвүүд, АНУ-ын Конгрессийн Номын сангийн доктор М.Саруул-Эрдэнэ, Академич Ц.Батбаяр тэргүүтэй бүрэлдэхүүн Завхан аймагтай шашин соёл, боловсрол, нийгэм, танин мэдэхүйн чиглэлээр хамтран ажиллах, дэмжлэг үзүүлэх зорилготой Улиастай хотод ирлээ.
Бүрэлдэхүүн өнөөдөр /2026.05.14/ аймгийн Засаг дарга Г.Өнөрбаяр болон аймгийн удирдлагуудтай уулзалт хийж дээрх чиглэлүүдээр хамтран ажиллах төлөвлөлтүүдээ ярилцав.
Мөн энэ өдөр Дилов хутагт Данзанламэд Төгс Буянт Жавхлант хийдэд Мандал өргөв.
Түүнчлэн бүрэлдэхүүн аймгийн Эрүүл мэндийн газарт “Zero ТВ” төслийн багтай уулзалт хийх, Боловсролын газарт “Эгэл орчин дахь уудам орчлон” номын хэлэлцүүлэг, ХЖТ-т “Гэр бүлийн харилцаа, нандин холбоо” соён гэгээрлийн лекц, “Танин мэдэхүйд суурилсан энэрэх сэтгэл хөгжүүлэх СВСТ сургалт судалгаа” төсөл болон “Хутагт Латтимор хоёр-тив дамнасан өв” төслүүдийн нээлтийг хийх зэрэг хөтөлбөрөөр энэ сарын 17-ны өдөр хүртэл ажиллана.
