Шинэчлэлийн гэх тодотгол зүүгээд байгаа Н.Алтанхуягийн баг үндсэндээ бүрдээд байсан ч өнгөрсөн долоо хоногт Сангийн яамны төрийн нарийн бичгийн дарга Д.Баттөрийг ажлаас чөлөөлсөн.  Ажлын хариуцлага алдсан гэдэг үндэслэлээр ажлаасаа чөлөөлөгдсөн Д.Баттөрийн суудлыг хэнд шилжүүлэх вэ гэдэг нь улс төрийн хүрээнийхний хувьд өөрийн багтаа бас нэг суудал хэрхэн нэмэх вэ гэсэн асуултыг дагуулсаар байгаа юм. Саяхнаас Д.Баттөрийн оронд Усны газрын дэд дарга байсан З.Батбаярын нэр яригдах болжээ. З.Батбаяр нь МАХН-ын гишүүн төдийгүй  эдийн засгийн ухааны доктор цолтой гэнэ. МАХН-ын толгой лидерээр толгойлуулсан Сангийн яам магадгүй хамаг ажлыг нугалах хүнээрээ ч МАХН-ын гишүүнийг сонгох бололтой.