УИХ-ын чуулганы нэгдсэн хуралдаанаар хэлэлцсэн анхны асуудал нь Компанийн тухай хуулийн зарим заалт Үндсэн хуулийн холбогдох зүйл, заалтыг зөрчсөн эсэх тухай маргаан байсан юм. Дээрх хуулийн маргааныг хянан шийдвэрлэсэн тухай Үндсэн хуулийн цэцийн дүгнэлтийг Үндсэн хуулийн цэцийн гишүүн Д.Наранчимэг танилцууллаа. Түүний танилцуулгаар бол Компанийн тухай хууль нь Үндсэн хуулийн цэцэд харшлаагүй гэсэн дүгнэлтийг гаргажээ.
УИХ-ын дэгийн тухай хуулиар хэлэлцэж байгаа асуудал нь Үндсэн хуульд харшлаагүй гэж үзвэл Байнгын хороогоор хэлэлцүүлэх шаардлагагүй, УИХ-ын чуулганы хуралдаанаар хэлэлцэж, санал хураах шаардлагагүй гэж заасан байдаг байна. Үндсэн хуулийн цэцийн шийдвэртэй холбоотойгоор гишүүд асуулт асуусангүй. Тиймээс энэ асуудлыг дэгийн тухай хуулиар шийдэв.