УИХ-ын чуулганаар Төсвийн тухай хуульд нэмэлт өөрчлөлт оруулах тухай хуулийн төслийг хэлэлцэж байх үед УИХ-ын гишүүн З.Баянсэлэнгэ, М.Зоригт нар төсөвт тусгасан хөрөнгө оруулалтын талаар асуулт асууж ангийнхаа даргад зэмлүүлэв. Төсвийн тухай хуульд нэмэлт өөрчлөлт оруулах тухай хууль хэлэлцэж байгаа үед зөвхөн тэр хуультай холбоотой асуудлаар асуулт асуух ёстой аж.  
Гэтэл шинэ гишүүд тэс хөндлөн зүйл ярьсан нь УИХ-ын дарга З.Энхболдыг бухимдуулж орхив. УИХ-ын дарга З.Энхболд, “Эрхэм гишүүдээ та хоёрын хэлэлцэх асуудлыг дараа нь хэлэлцэх гэж байна. Тэгэхээр асуугаарай” гэв. Ингээд дараагийн асуудал хэлэлцэж эхэлтэл мань хоёр асуулт асуух үед саналаа өгөөгүй байж, санал хэлэх үед асуулт тавьж бас л даргадаа зэмлүүлэв.