Өнөөдөр буюу аравдугаар сарын 13. Гамшгийн эрсдэлийг бууруулах олон улсын өдөр тохиож байна. Энэхүү өдрийг дэлхий нийтээр “Гамшгийг даван туулах чадавх та бидний гэрээс эхэлнэ” уриалгыг дэвшүүлж, Засгийн газар, хувийн хэвшил, иргэний нийгэм, хөгжлийн бэрхшээлтэй иргэдийн эрх ашгийг хамгаалах байгууллага, эмэгтэйчүүдийн бүлгүүд, залуучуудын сүлжээ, орон нутгийн удирдлага болон айл өрх зэрэг нийгмийн бүхий л орчинд гамшгийн эрсдэлийг бууруулах чиглэлээр бодитой арга хэмжээ хэрэгжүүлэхийг уриаллаа.

Онцгой байдлын байгууллагаас албаны хэмжээнд гамшгаас урьдчилан сэргийлэх сургалт, дадлага, алба сурталчлах өдөрлөг зэрэг иргэд, олон нийтийн гамшигтай тэмцэх, эрсдэлийг бууруулах арга хэмжээг зохион байгуулж байна.

Аливаа улс орны аюулгүй байдал иргэн бүрийн оролцоо, айл, өрх бүрийн гамшигтай тэмцэх чадавхаас эхэлдэг тул хүн бүр урьдчилан сэргийлэгч байж, аюулгүй байдлаа хангацгаая.