УИХ-ын дэд дарга асан, УИХ-ын гишүүн асан, Засгийн газрын сайд асан АПУ овогт Г.Батхүүг ёстой ичмээр юм гэж баалахаас өөр арга алга. Уг нь тэрээр төрийн ажлыг амжуулж явсан туршлагатай улстөрч. Гэвч  2012 оны УИХ-ын сонгуулиар өрсөлдөгч МАН-ын хоёроосоо 4000 гаруй саналаар яалт ч үгүй ялагдсан. Цэнхэр тойрог хэмээн үргэлж хэлэгддэг байсан  Өвөрхангайнхан энэ удаад улааныг сонгожээ. Намынхаа лидерүүд хэмээн хүлээн зөвшөөрөгдсөн Г.Батхүү, Д.Зоригт нар дэд сайд асан С.Чинзориг, барилгачин бизнесмэн Н.Төмөрхүү нарт ичгэвтэр ялагдсан нь мэдээж АН-д тавьсан өвөрхангайчуудын дүн.

Гэвч үүнийг АН-ын хоёр хүлээн зөвшөөрөөгүйгээр барахгүй хөлөө хүрэх, нэрээ худалдах газар бүрээр гүйж явна. Өвөрхангай аймгийн сум дундын шүүхээр гүйсээр аравдугаар сарын 19-нд Н.Төмөрхүү, С.Чинзориг нар нь  сонгуулийн үеэр иргэдэд эд зүйл тарааж, насанд хүрээгүй хүүхдийг сурталчилгаанд оролцуулж, Сонгуулийн тухай хууль зөрчсөн байна гэсэн шийдвэр гаргуулаадахсан. Шүүхийн шийдвэрээ барьсан хоёр УИХ-ын гишүүний тангараг өргөнө гэсэндээ бүрэн итгэж бүүр байн байн Төрийн ордноор эргэлдэж эхэлсэн. Гэвя өвөрхангайчуудын эсэргүүцлийн бичил хөдөлгөөн, МАН-ын гишүүдийн буйдантай суудал нь аргагүйн эрхэнд АН-ын удирдлагуудыг ичихэд хүргэсэн гэвэл худал зүйл болохгүй.
 Сонгуулийн сурталчилгаанд оролцсон гэх насанд хүрээгүйчүүд нэр төрөө сэргээлнэ хэмээн шүүхэд хандаж, МАН-ын хоёр ч гомдол гаргах эрхгүй гэж алхаа цохьсон шүүхийн шийдвэрийг хүлээн зөвшөөрөхгүй гэдгээ удаа дараа мэдэгдсээр...

Хариуцагч гэгдэх Н.Төмөрхүү, С.Чинзориг нарын гаргасан хүсэлтийг Өвөрхангай аймгийн Сум дундын хоёрдугаар шүүх аравдугаар сарын 31-нд хэлэлцээд  аравдугаар сарын 19-нд гаргасан шүүгчийн 94 тоот захирамжийг хүчингүй болгож, хариуцагчийн хүсэлтийг хангах шийдвэр гаргасан байна.
За ингээд булхай булчингаараа гэгчээр шүүхийн шийдвэр сонгуульд ялагчдын талд гарлаа.

Одоо яах вэ Г.Батхүү, Д.Зоригт нэр дэвшигчид ээ. Тахимаа өгдөггүй бөхийг Монголын ард түмэн хэзээ ч хүндэлж хайрладаггүй. Өнөөдрөөр ард түмнийхээ хүндлэлийг хэмжсээр суух уу хэмээн АН-ын лидерүүд гэгдэх та хоёроос сонгогч түмэн чинь асууж байна.