УИХ-ын гишүүнээсээ татгалзах өргөдлөө өгсөн У.Хүрэлсүх УИХ-ын дарга З.Энхболдтой уулзсан бололтой. УИХ-ын дарга З.Энхболдын өрөөнд намын дарга Ө.Энхтүвшинтэй хамт орсон уулзалтад Ерөнхийлөгчийн Тамгын газрын дарга П.Цагаан нарын хүмүүс оролцсон. Тэгвэл УИХ-ын даргын үүдийг сэтгүүлчид сахисан ч У.Хүрэлсүх дотуур шатаар гараад зугтаалаа. Харин З.Энхболд даргын өрөөнөөр Ерөнхийлөгчийн Тамгын газрын дарга П.Цагаан болон байнгын хороодын дарга нар л гарч ирлээ. Сэтгүүлчид У.Хүрэлсүх гишүүнийг “барьж авах” гэж өрөөний үүдийг нь сахисан ч тэрээр ордноос гараад явчихлаа.