МАН-аас Улс төрд үүсээд байгаа нөхцөл байдлын талаар 14 цагаас мэдээлэл хийнэ гэсэн зар түгэв. Зарын дагуу яваад очтол ямар нэгэн мэдээлэл хийх шинж алга. Намын генсек Г.Занданшатартай утсаар холбогдож У.Хүрэлсүх гишүүний талаар мэдээлэл өгөх эсэхийг тодруулахад, “Би утсаар мэдээлэл өгөхгүй. Наад асуудлаа манайхнаас авчихаарай. Би гадуур ажилтай байна” гэв. Гэтэл гадуур ажилтай гэсэн Г.Занданшатар намынхаа байрны хоёр давхарт явж байв. Өмнүүр нь тосч очоод тодруулга авах гэтэл эвэртэй туулай үзсэн мэт цахилгаан шат руу гүйн орсон юм. Гэтэл лифтний хаалга нь гацаж багагүй сандралд орсон. Ийн МАН-ын генсек түр сандралд орж сэтгүүлчдээс улаан цайм зугтаан одлоо.