УИХ-ын гишүүн У.Хүрэлсүхийг бүрэн эрхээсээ татгалзаж байгааг хэвлэл мэдээллийнхэн олон янзын шалтгаантай хэмээн бичиж буй. Тэгвэл түүний гишүүний бүрэн эрхээсээ татгалзах болсон шалтгаан нь эхнэрийнх нь биеийн байдалтай холбоотой гэдгийг УИХ-ын гишүүн Ж.Энхбаяр хэллээ. Тэрээр, “У.Хүрэлсүх гишүүний эхнэр нь хоёр удаа мэс засалд орчихоод байгаа. Тухайлбал, бамбай, нуруу нугасны хүнд мэс засал хийлгэсэн байна. Түүнээс гадна дахин мэс засал хийлгэх шаардлага байгаа юм билээ. Тиймээс Хүрэлсүх эр хүнийхээ ажлыг хийх гэж өргөдлөө өгсөн байх. Тэр чинь хүн шүү дээ, робот биш” гэв. Ж.Энхбаяр гишүүний хэлснээр У.Хүрэлсүх гишүүн хүнд өвчтэй эхнэрээ тойглохоор ийн өргөдлөө өгсөн бололтой.