УИХ-ын Тамгын газрын Ерөнхий нарийн бичгийн дарга Ц.Шаравдоржийг үүрэгт ажлаас нь чөлөөлсний дараа энэ албан тушаалд нэр дэвшиж байгаа Б.Болдбаатарыг томилох эсэхийг хэлэлцсэн юм. Б.Болдбаатарын хувьд инженер, хуульч мэргэжилтэй. Одоо АН-ын Ажлын албаны даргаар ажиллаж байгаа юм байна.
УИХ-ын гишүүн гэмтлийн эмнэлэг, задлан шинжилгээнд орж үзээгүй хүнийг хуульч гэж хэлэх хэцүү байдаг юм гэж түүнийг шүүмжилсэн юм. Харин Р.Гончигдорж гишүүн шүүмжилж, гоочлохоосоо илүү итгэж ажиллах хэрэгтэй гэсэн байр суурь илэрхийлсэн. Мөн УИХ-ын гишүүн С.Эрдэнэ, хуучин ажиллаж байсан туршлагаас авах зүйл байгаа. Гэхдээ зоригтой өөрчлөөрэй гэдгийг захиж байсан бол УИХ-ын гишүүн Ч.Сайханбилэг, энэ хүнтэй дөрвөн жилд хамтарч ажилласан. Хийж чаддаг хүн. Тиймээс энэ ажлыг хийх чадвар энэ хүнд байгаа гэсэн юм. Ингээд санал хураахад түүнийг УИХ-ын чуулганд оролцсон гишүүдийн 83 нь дэмжсэнээр Б.Болдбаатарыг УИХ-ын Тамгын газрын Ерөнхий нарийн бичгийн даргаар томилов.