УИХ-ын гишүүн У.Хүрэлсүх өөрийн хүсэлтээр гишүүний бүрэн эрхээсээ татгалзсан. Харин түүний оронд МАН-ын жагсаалтын 12-т бичигдсэн МАН-ын нарийн бичгийн дарга Д.Сарангэрэлийг тангараг өргүүлнэ гэж намын удирдах зөвлөлийн хурлаас шийдсэн. Тэгвэл СЕХ-ноос Д.Сарангэрэлийн бүрэн эрхийг зөвшөөрүүлэх асуудлыг өнөөдөр 11.00 цагт Монгол Улсын Ерөнхийлөгчид айлтгаж, 12.00 цагт УИХ-ын даргад өргөн мэдүүлэх юм байна. Ингэснээр энэ сарын 22-нд хуралдах чуулганы нэгдсэн хуралдаанаар Д.Сарангэрэл гишүүний тангарагаа өргөх бололтой.