УИХ-ын сонгуульд Увс аймагт нэр дэвшсэн Б.Чойжилсүрэн, Ч.Хүрэлбаатар нар сонгогчдод бэлэн мөнгө тарааж санал худалдаж авахыг завдсан нь баримтаар нотлогдсон. Энэ хэрэгтэй холбоотой шүүх хурал өнөөдөр Баянгол дүүргийн шүүхэд 10:00 цагаас эхлэх ёстой байсан ч хойшилжээ. Учир нь, УИХ-ын гишүүн Б.Чойжилсүрэн, Ч.Хүрэлбаатар нарын бие төлөөлөгч Т.Гансүх, Л.Жамсран, Лхагва нарын өмгөөлөгч Увс аймагт болж байгаа шүүх хуралд оролцож байгаа юм байна. Тиймээс энэ хурлыг энэ сарын 28-нд хийхээр товлож, энэ удаагийн хурлыг хойшлуулжээ.