Барилга, хот байгуулалтын дэд сайд Г.Байгальмаа тэргүүтэй албаны хүмүүс 2012 оны арваннэгдүгээр сарын 12-16-ны өдрүүдэд ОХУ-ын Эрхүү мужид ажиллан, туршлага судлах, цаашид хамтран ажиллах талаар айлчлаад ирлээ.

Айлчлалын хүрээнд Эрхүү мужийн Барилга, замын аж ахуйн яам, Эрхүүгийн техникийн их сургууль, Эрхүүгийн Зураг төсөл хайгуулын институт, Саморегулиреумая организация стройтелей Байкальского региона, Эрхүү мужийн орон сууц, барилгын хяналтын алба, Барилгын үнэ бүрдлийн төв, Норматив-техникийн баримт бичгийн төв зэрэг байгууллагуудын үйл ажиллагаатай танилцаж,мэргэжлийн хүрээнд тодорхой асуултууд тавьж, хариулт, мэдээлэлүүд авсан юм.

Түүнчлэн  мужийн Барилга, замын аж ахуйн яамны сайд М.В.Литвинтэй уулзан Монгол Улсын барилгын салбарт тулгамдаж байгаа асуудлаар санал
солилцон мэргэжилтнүүд өөрсдийн чиглэлийн хэлтсүүдийн холбогдох мэргэжилтнүүдтэй уулзан тодорхой асуудлаар ярилцаж цаашид Барилга, замын аж ахуйн яамтай хамтран ажиллах хамтын ажиллагааны протоколийг үзэглэлээ.

Дэд сайд Г.Байгальмаа Эрхүүгийн техникийн их сургуулийн үйл ажиллагаатай танилцан барилгын салбарын чиглэлээр үйл ажиллагаа   явуулж байгаа эрдэм шинжилгээ судалгааны томоохон лабориторуудын инженер техникийн ажилтан, ажилчдыг сургах талаар хамтын ажиллагааны протоколд мөн гарын үсэг зурсан юм.