Зам тээврийн сайдын нэг өртөөнөөс нөгөө рүү аялж, уулзалтаас уулзалтын хооронд явсан албан томилолт өндөрлөлөө. Сайд А. Гансүх албан томилолтоор хөдөө орон нутагт ажиллаж, төмөр замчидтай хийсэн уулзалт бүртээ  УБТЗ-ыг дарга нарын “вант улс” бус “төмөр замчдын вант улс” болгоно гэж хэлж явсан юм. УБТЗ хувь нийлүүлсэн нийгэмлэгт хийх бүтцийн өөрчлөлтөөр  зарим нэг даргын нарын албан тушаал л өөрчлөгдөхөөс бус нэг ч төмөр замчин ажилгүй болохгүй гэдгийг сайд мөн хатуу хэлсэн. Энэ нь бүтцийн өөрчлөлтийн улмаас ажилгүй болчихвий гэсэн төмөр замчдын битүүхэн айдсыг үргээв. Товчоор хэлбэл, Зам, тээврийн сайд аливаа асуудлын зөвд зөөлөн, бурууд хатуу байхаа дахин дахин сануулж байсан юм. Салбарын сайд УБТЗ-ыг дарга нарын “вант улс” бус “төмөр замчдын вант улс” болгох зорилт тавин ажиллахаа мэдэгдэх бүрт замчид халуун алга ташилтаар баяр хүргэж байлаа.