Өнөөдөр өглөөний 07.00 цагаас эхэлсэн орон нутгийн өөрөө удирдах ёсны байгууллага сонгох сонгуулиар манай улсын нэг сая 862 мянган иргэн аймаг, дүүрэг, сумын ИТХ-д долоон нам, хоёр эвслээс нэр дэвшсэн 19400 хүнээс сонголт хийж өөрсдийгөө төлөөлөх хүмүүсийг сонгоно.
Энэ сонгуулиар бас нийслэлийн Баянзүрх дүүргийн иргэд  УИХ-ын сонгуулиар сонгогчдын босго болох 28 хувийн санал авч чадаагүй хоёр өрсөлдөгч Б.Батзориг, Д.Арвин нарын нэгийг бас хууль тогтоох дээд байгууллагад сонгох юм.  
Улсын хэмжээнд нийслэлийн 9 дүүрэг, 21 аймаг, 330 суманд сонгуулийн салбар хороо, хэсгийн 2010 хороо ажиллаж байна.