Баянзүрх дүүргийн  18-р хорооны Эрлийн-40, Гангарын-40 дүгээр байрны оршин суугчид саналаа өгч чадахгүй байдалд хүрчээ. Учир нь дээрх хоёр байрны оршин суугчдад цахим үнэмлэх олгохдоо тухайн хорооны иргэний бүртгэлийн ажилтан Эрлийн-40, Гангарын-40 дүгээр байр гэж тус тусад нь бичилгүй зүгээр л 40 дүгээр байр гээд биччихсэн байна. Үүнээсээ болоод хаяг давхардаж цахим үнэмлэхээ ч тарааж чадахгүй, иргэд саналаа өгч чадахгүйд хүрсэн байна. Нийслэлийн Баянзүрх дүүрэгт сонгогчдын ирц 11.00 цагийн байдлаар 13.29 хувьтай байгаа бөгөөд 190076 сонгогч саналаа өгөхөөс 25255 нь саналаа өгөөд байна гэж СЕХ-ноос мэдээллэв.