Ардчилсан намын дарга, Ерөнхий сайд Н.Алтанхуяг, УИХ дахь Ардчилсан намын бүлгийн ахлагч Д.Эрдэнэбат, АН-ын генсек Ц.Оюундарь нар орон нутгийн сонгуульд Ардчилсан нам яллаа хэмээж мэдээлэл хийлээ. Тэдний өгсөн мэдээллээр 21 аймгийн 13-14-т нь АН олонхи болжээ. Тэр тусмаа сүүлийн 22 жилд ялалт байгуулж байгаагүй Увс, Төв, Ховд, Булган зэрэг аймагт цэнхэрүүд ялсан байна. Мөн нийслэлийн есөн дүүргийн хувьд Багахангай дүүргээс бусдад нь ялсан гэдгийг АН-ын удирдлагууд хэллээ. Гэхдээ нийслэлийн зарим хэсгийн хороодод ирц хүрээгүй байгаа ч ардчилсан намаас нэр дэвшсэн хүмүүс олонхийн санал хүлээгээд байгаа гэлээ.
Энэ нь Шинэчлэлийн Засгийн газрын хийж, хэрэгжүүлж байгаа ажлыг иргэд дэмжиж байгаагийн тод жишээ гэдгийг Ерөнхий сайд өгүүллээ.