УИХ-ын сонгуулиар Увс аймаг дахь 15 дугаар тойрогт МАН-аас нэр дэвшин өрсөлдсөн Б.Чойжилсүрэнгийн туслах Я.Баттогтох,  УИХ-ын Байгаль орчин, хүнс хөдөө аж ахуйн байнгын хорооны референт, Увс аймгийн Оюутны холбооны тэргүүн Ш.Чинбат нарыг шүүх хурал нийслэлийн Баянгол дүүргийн шүүхэд болно.

Тэд сонгуулийн сурталчилгааны үеэр сонгогчдод мөнгө тараасан, оюутнуудыг авч зугтаж сонгууль будлиантуулсан хэрэгт буруутгаж байгаа юм. Энэ хүмүүс сонгуулийн үеэр айлын гэр бүрээслэх нэрээр 100 мянган төгрөг тарааж байсныг иргэд гэрчилж тойргийн хороонд гомдол гаргаад байсан юм. Шүүх энэ хүмүүсийн буруутай үйлдлийг нотолбол 6-20 жилийн ял ногдуулах юм.

Үнээс гадна тус аймагт МАН-аас нэр дэвшигч Б.Чойжилсүрэн, Ч.Хүрэлбаатар нарын   сурталчилгаанд ажилласан аймгийн МАН-ын дэд дарга Жамсран нарын зургаан хүн сонгууль будлиантуулсасн хэргээр ял сонсоход хүрээд байгаа юм. Энэ хүмүүс сонгогчдын санал худалдан авах зорилгоор айлын гэр түрээслэх нэрээр мөнгө тарааснаа мөрдөн байцаах ажиллагааны үеэр хүлээн зөвшөөрч мэдүүлсэн байдаг юм.