УИХ-ын сонгуулиар нийслэлийн Баянзүрх дүүрэгт өрсөлдөж 28 хувийн босго давж чадаагүй УИХ-ын гишүүн асан Д.Арвин, Баянзүрх дүүргийн Засаг дарга Б.Батзориг нар Орон нутгийн сонгуультай хамт дахин санал хурааж өрсөлдсөн. УИХ-д урьд нь гурван ч удаа Хэнтий аймгаас сонгогдож байсан Д.Арвин энэ удаа 43,1 хувийн саналаар ялжээ. Иймд МАН-аас нэр дэвшигч Д.Арвиныг тангараг өргүүлэхээр өнөөдөр СЕХ-ноос УИХ-ын даргад өргөн мэдүүлсэн байна. Ингэснээр Д.Арвин ирэх пүрэв гарагт тангараг өргөх бололтой.