Долоо хоногийн даваа гариг болгонд УИХ дахь намын бүлгүүд хуралддаг уламжлалтай. Ардчилсан намын бүлгийн хувьд өнөөдөр хуралдаагүй. Харин УИХ дахь МАН-ын гишүүд өнөөдөр хуралдаж УИХ-ын гишүүн Ч.Хүрэлбаатартай холбоотой болсон шүүх хурлын шийдвэрийн талаар ярилцсан байна. Мөн Өвөрхангай аймагт УИХ-ын сонгуульд МАН-аас нэр дэвшсэн С.Чинзориг, Ш.Төмөрхүү нарын тухай ч гишүүд байр сууриа илэрхийлжээ. Сонгуулийн ерөнхий хорооноос Ардчилсан намаас тус тойрогт нэр дэвшин өрсөлдсөн Г.Батхүү, Д.Зоригт нарын УИХ-ын гишүүний тангаргыг өргүүлэхээр нэрийг нь УИХ-ын даргад өргөн мэдүүлээд буй. Гэвч УИХ дахь МАН-ын гишүүд “Асуудал шүүхийн шатанд байгаа тул Г.Батхүү, Д.Зоригт нарын УИХ-ын гишүүний тангаргыг өргүүлэх боломжгүй” гэдэгт санал нэгджээ.