УИХ-ын чуулганы өнөөдрийн хуралдаанаар УИХ-ын зарим гишүүний бүрэн эрхийг зөвшөөрүүлэх асуудлыг хэлэлцэнэ. Энэ асуудалтай холбоотойгоор МАН-ынхан чуулганы хуралдаанд оролцохгүй бололтой. Учир  нь, Өвөрхангай аймгийг 10 дугаар тойрогт МАН-аас нэр дэвшсэн С.Чинзориг, Н.Төмөрхүү нарыг хууль зөрчсөн гэсэн үндэслэлээр эргүүлэн татаад буй. Мөн чуулганы хуралдаанд “Шударга ёс” эвслийн бүлгийн гишүүд ч оролцохгүй бололтой. МАН-ын гишүүд өчигдөр орой “Шударга ёс” эвслийн бүлгийн гишүүдтэй нууцаар уулзжээ. Магадгүй чуулганы хуралдааны ирцийг бүрдүүлэхгүй байх тухай тохиролцсон ч байж мэдэх.
Хэдийгээр АН-ынхан олонх болсон ч олон гишүүн гадаадад томилолтой явж байгаа аж. Тухайлбал, АН-ын бүлгийн дарга Д.Эрдэнэбат, С.Одонтуяа тэргүүтэй гишүүд гадаадад явж байгаа аж.