Хан-Уул дүүргийн ИТХ-ын зарим төлөөлөгчийг сонгох дахин санал хураалтыг маргааш буюу бямба гарагт зохион байгуулахаар болжээ. Энэ шийдвэрийг тус дүүргийн Сонгуулийн тойргийн хорооноос гаргасан байна. Дахин санал хураалтыг амралтын өдөр зохион байгуулбал сонгогчдын ирц, идэвх сайн байна гэж үзсэн гэнэ.
Хан-Уул дүүргийн дөрвөн хорооны долоон хэсгийн хороонд сонгогчийн ирц хүрээгүй учир ийнхүү дахин санал хураалт явуулж байгаа.  Тодруулбал, гуравдугаар хорооны 7, 9 дүгээр хэсгийн хороо, наймдугаар хорооны 20 дугаар хэсгийн хороо, есдүгээр хорооны 21, 22 дугаар хэсгийн хороо, 15 дугаар хорооны 33, 35 дугаар хэсгийн хороонд сонгогчдын ирц хүрээгүй.
Харин Баянзүрх, Чингэлтэй, Сүхбаатар, Сонгинохайрхан, Баянгол дүүргийн сонгогчийн ирц хүрээгүй хэсгийн хороодод өнөөдөр дахин санал хураана. Үүнтэй холбоотойгоор төрийн албан хаагчдыг санал өгүүлэхийн тулд 08:00-14:00 цаг хүртэл ажлаас нь чөлөөлөх юм.
Хуульд зааснаар дахин санал хураалт 07.00-22.00 цаг хүртэл үргэлжлэх юм.