Төрийн өндөр албан тушаалаа урвуулан ашиглаж, төрийн мөнгийг хувьдаа завшсан, хээл хахууль авсан хэрэгт буруутгагдсан МАХН-ын дарга Н.Энхбаяр болон түүний хамсаатан болох До.Чулуунбаатар, Ж.Мягмаржаргал, Д.Дуламсүрэн нарт холбогдох хэргийг Улсын дээд шүүх хэлэлцэх байсан ч долоо хоногоор хойшиллоо.
Шүүх хуралд биеэр оролцох хүсэлт гаргасан өмгөөлөгч нь эрүүл мэндийн шалтгаантай байгаа учир хойшлуулж өгнө үү гэсэн хүсэлт гаргасан байна. Гэхдээ гаргасан хүсэлтдээ эрүүл мэндийн шалтгаанаа тодорхой дурьдаагүй байсан аж. Хэдийгээр тодорхой бус шалтгаан байгаа ч нэгэнт шүүх хуралд оролцох хүсэлтийг нь хүлээн авсан болохоор шүүх хурлыг ирэх долоо хоногийн баасан гариг хүртэл хойшлуулахаар болов.