УИХ-ын нэгдсэн чуулган хуралдах ёстой гишүүдийн ирц хүрэхгүйгээс дахин хойшилж магадгүй байна. Өчирдөр хуралдаан зарлаж, дөрвөн асуудал хэлэлцэх байсан ч МАН-ын гишүүд, “Шударга ёс” эвслийн бүлгийн гишүүд хуралдааны танхимд орж ирээгүйгээс хуралдаан хойшилсон юм. Уг нь, чуулганы хуралдаанаар УИХ-ын зарим гишүүний бүрэн эрхийг хүлээн зөвшөөрүүлэх ёстой. Үүнээс Өвөрхангай аймгийн 10 дугаар тойрогт АН-аас нэр дэвшсэн Г.Батхүү, Д.Зоригт нарыг хууль бусаар тангараг өргүүлэх гэж байна хэмээн эсэргүүцэж ийн чуулганы үйл ажиллагааг гацаагаад байгаа юм.