УИХ-ын нэр бүхий 22 гишүүн нэгдэж Төрийн тусгай албан хаагчдын эмнэлгийн барилгыг зориулалтаар нь ашиглах зөв хэмээн гарын үсэг зурж, УИХ-д өргөн барихаар болжээ. Энэ талаар УИХ-ын гишүүн Ё.Отгонбаяр, О.Баасанхүү нар мэдээлэл хийсэн юм. Тэдний хэлж байгаагаар, дэлхийн аль ч оронд эрүүл мэндийн салбараас мөнгө харамладаггүй гэв. Тиймээс энэ эмнэлгийг зориулалтын дагуу ашиглах асуудлыг УИХ-аар оруулж байгаа нь энэ аж. Энэ барилгыг зориулалтын дагуу ашиглахыг дэмжиж 22 гишүүн гарын үсэг зурснаас гадна, гарын үсгээ зурж амжаагүй, дэмжиж байгаа гишүүн олон байгаа аж.
Мөн энэ эмнэлгийн талаар тус эмнэлгийн Эмчилгээ эрхэлсэн орлогч дарга, хошууч Нарантуяа, “Энэ эмнэлгийг Цэргийн госпиталтай нэгдэхийг эсэргүүцээгүй. Зөвхөн эмнэлгийн зориулалтаар баригдсан барилгыг зориулалтын дагуу ашиглахыг л хүсч байгаа юм. “Э” үсэг мэддэггүй Хууль зүйн сайд Х.Тэмүүжин эрүүл мэндийн талаар ярих нь эмч нарын хөх инээдийг хүргэж байна” гэсэн юм.