Улс төрийн хүчнүүд ээлж дараалан бие биедээ “гэнэтийн бэлэг” барьсаар. Мэндлээд удаагүй ч хууль тогтоох дээд байгууллагад дөрвөн суудал авч Засгийн газарт хамтарсан МАХН хөл нийлүүлэн алхахаасаа татгалзах санал гарган АН-д сюрприз барьсан. Мөн МАН-ыг яаж зүгээр орхих вэ. Тус намын дөрвөн гишүүнийг элдэв хууль бус хэрэг үйлдсэн хэргээр АТГ-т шалгуулахаар болжээ. Энэхүү шийдвэрийг уржигдар хуралдсан МАХН-ын Гүйцэтгэх товчооны хурлаас гаргасан. Тодруулбал, МАН-ын гишүүн УИХ-ын гишүүн М.Энхболд, Ц.Нямдорж, Сү.Батболд нарыг авлига авсан байх магадлалтай хэмээн үзэж АТГ-т шалгуулахаар болсон байна. Мөн У.Хүрэлсүх ч үүн дээр нэмэгдэнэ. Ийнхүү МАХН-ын сюрприз үргэлжилсээр. Өшөө ямар бэлэг бэлдэж буй нь одоогоор нууц ажээ.