Баянгол дүүргийн шүүх өчигдөр УИХ-ын гишүүн Б.Чойжилсүрэн, Ч.Хүрэлбаатар нарын туслахуудад холбогдох хэргийг хэлэлцэж, торгуулийн ял оноосон байна. УИХ-ын гишүүн Б.Чойжилсүрэн, Ч.Хүрэлбаатар нарын  бие төлөөлөгч Т.Гансүх, Л.Жамсран, н.Лхагва нарыг Тариалан сумын Бургастай багийн малчдын гэрийг 100 мянган төгрөгөөр түрээсэлж, ухуулах байр болгох нэрээр сонгогчдод мөнгө тараасан гэж буруутгаж, хөдөлмөрийн хөлсний доод хэмжээг 90 дахин нэмэгдүүлсэнтэй тэнцэх хэмжээний торгуулийн ялаар шийтгэжээ. Өөрөөр хэлбэл, шүүгдэгч нарыг тус бүрийг нь 12,960,000 төгрөгөөр торгосон аж.