УИХ-ын чуулганы нэгдсэн хуралдаан эхэллээ. Хуралдаанаар “Авлигын эсрэг олон улсын академийг олон улсын байгууллага болгон үүсгэн байгуулах тухай хэлэлцээр”-т нэгдэн орох тухай хуулийн төслийг хэлэлцсэн юм. Хуулийн төслийг Хууль зүйн сайд Х.Тэмүүжин танилцуулж, Байнгын хорооны хуралдааны санал дүгнэлтийг УИХ-ын гишүүн Р.Гончигдорж танилцуулсан юм. Энэ хуулийн төсөлтэй холбоотой асуулт хариулт өрнөсөнгүй. Ингээд санал хураахад гишүүдийн олонхи нь дэмжсэнээр энэ хуулийн төслийг баталлаа.