УИХ-ын сонгуульд мөнгө тараасан хэрэгт буруутгагдаад буй УИХ-ын гишүүн Ч.Хүрэлбаатар, Б.Чойжилсүрэн сүүлийн үед чуулганы хуралдаанд суух нь битгий хэл Төрийн ордноор ч үзэгдэхгүй байсан. Тэгвэл өнөөдөр Ч.Хүрэлбаатар чуулганы хуралдаанд сууж, хэсэг зуур кнопдов. Хүнсний аюулгүй байдлын тухай хуулийн зүйл заалт бүрээр санал хураахад хажуугийнхаа гишүүний өмнөөс кнопдож харагдав. Харин чуулган завсарлангууд Б.Чойжилсүрэнтэйгээ нийлж аваад тун дотноор юм ярилцаж яваа нь харагдсан. Тэднийг шүүхээс гэм буруутай гэж үзэн тэдний туслахуудыг 12 сая гаруй төгрөгөөр торгосон. Тэгэхээр мэдээж эрхэм гишүүдийг буруутай гэж үзсэн байх. Тиймээс мөнгө тараасан хоёр гишүүн татагдахаасаа өмнө чуулганы хуралдаанд сууж авч байгаа бололтой.