НҮБ-ын Ерөнхий Ассамблейгаас Хүний Эрхийн Түгээмэл Тунхаглал хэмээх баримт бичгийг 1948 оны арванхоёрдугаар сарын 10-нд батлан гаргаснаас хойш жил бүрийн энэ өдрийг Олон улсын хүний эрхийн өдөр болгон дэлхий нийтээр тэмдэглэж ирсэн. Нийслэлийн ЗДТГ-аас энэ өдрийг угтан Монголын өмгөөлөгчдийн холбоотой хамтран иргэдэд төлбөргүй эрх зүйн туслалцаа үзүүлэхээр боллоо. Хууль зүйн туслалцаа, зөвлөгөө шаардлагатай иргэд энэ сарын 10-нд Сүхбаатарын талбайд гарч буй “Гэр хорооллын дахин төлөвлөт, тохилог амины орон сууц” үзэсгэлэнгийн хүрээнд баригдсан загвар байшинд  хүрэлцэн ирж, мэргэжлийн өмгөөлөгчдөөс зөвлөгөө авах боломжтой. Хуульчид өглөөний 10:00-17:00 цаг хүртэл иргэдэд зөвлөгөө өгөх аж.