Төрийн ордны Их танхимд Засгийн газрын гишүүд баялаг бүтээгчидтэй уулзаж, тэдний дуу хоолойг сонсож байна. Нийгэмд баялаг бүтээгч нь жирийн хөдөлмөрчин иргэд байдаг. Тиймдээ ч Шинэчлэлийн Засгийн газрынхан Ардчилалын баярын өдрийг Ард түмний баярын өдөр болгон тэмдэглэж байна. Энэ баярын өдрөөр Ерөнхий сайд Н.Алтанхуяг Шинэчлэлийн Засгийн газрын үйл ажиллагааны чиглэл, цаашид авч хэрэгжүүлэх ажлыг иргэдийн тусламжтайгаар хийнэ гэлээ. Тэрээр, “Нийгэмд баялаг бүтээгчид нь иргэд байдаг юм. Тиймээс баялаг бүтээгчид та бүхэнд ямар нэгэн саад тотгор тулгарвал Засгийн газрын 11 11 дугаар руу утасдаарай. Өөрийн үгээ төрд хүргэхийг хүсвэл Шинэчлэлээр шийдье-222 хэлэлцүүлэгт ирж үгээ хэлээрэй. Бид та бүхнийг сонгох болно. Загсийн газар байгуулагдсанаасаа хойш иргэдээ сонсож ал болох зөв шийдлийг олж байгаа” гэсэн юм. Өнөөдрийн “Баялаг бүтээгчдэд талархъя” уулзалтад салбар бүрийн төлөөлөл иржээ.