Маргааш МАХН-ын дарга Н.Энхбаярт анхан болон давж заалдах шатны шүүхээс өгсөн ялыг Улсын дээд шүүх хянан хэлэлцэнэ. Энэ шүүх хурал болохтой холбогдуулан МАХН-ынхан янз бүрийн зүйл сэдэж, намынхаа даргыг суллуулах арга чарга хайж байна. Албан бус мэдээллээр МАХН-ын дарга Н.Энхбаяр өлсгөлөн зарлахад бэлэн байгаа гэхчлэн мэдээлэл тарааж байна. Тэгвэл МАХН-ын дарга Н.Энхбаярын асуудлаар УИХ дахь “Шудар ёс” эвслийн бүлгийнхэн Шадар сайд Д.Тэрбишдагвын өрөөнд хуралдаж байгаа бололтой. Хуралдаанаар ямар асуудал яригдаж байгаа нь одоогоор тодорхой бус байна. МАХН-ын гишүүд Засгийн газраас гарах асуудлыг ярилцаж байгаа болов уу гэсэн таамгыг хэвлэл мэдээллийнхэн дэвшүүлж байна.