МАХН-ын дарга Н.Энхбаярын хэргийг маргааш Улсын дээд шүүхээр хэлэлцэхтэй холбогдуулан тус намын гишүүд дэмжигчид яг одоо Төрийн ордны хашааны хаалгуудыг бүчжээ. Тэд Төрийн ордны хашанаас хүн гаргахгүй гэж ийн зогсож байгаа. Үүгээрээ дамжуулан өөрсдийнхөө дуу хоолойг төрд хүргэхээр зорьж байгаа гэж намын гишүүд, дэмжигчид нь хэлж байна.
Тэднээс жагсаал хэдий хүртэл үргэлжлэх талаар тодруулахад, “Бид юутай ч дуу хоолойгоо УИХ-д хүргэхээр энд жагсаж байна. Төрийн ордны хашаанаас явган хүнийг бол гаргана. Харин машинтай хүнийг гаргахгүй. Яагаад гэвэл хар теньтэй машинд УИХ-ын гишүүд гараад явж байгааг үгүйсгэхгүй шүү дээ. Бид ганц Энхбаяр даргын төлөө тэмцээд байгаа юм бус. Шударга ёсны төлөө тэмцэж байна” гэв.