УИХ-ын гишүүн С.Ганбаатар Дарханы Нийгмийн даатгалын хэлтсийн дарга болон нягтлан бодогч бусад байгууллагын захирал, нарыг АТГ-т өгснөө мэдэгдлээ. Тэдний хэргийг дахин шалгуулах гэж байгаа нь энэ юм. Учир нь дээрх хүмүүс нь Дархан-Уул аймгийн Нийгмийн даатгалын хэлтсийн тэтгэвэр болон ажилгүйдлийн сангийн мөнгийг “Чингис хаан” банкинд байршуулж түүний хүү болох 220 сая төгрөгийг завшсан хэрэгт холбогдож, үүнийг нь аймгийн Цагдаагийн газраас илрүүлэн шалгаж байсан. Гэвч уг хэрэг шалгалтын явцдаа бүдгэрч зарим нэг нь хэргээс сугарч, сая болж өнгөрсөн орон нутгийн сонгуульд нэрээ дэвшүүлсэн явдал ч гарчээ. Тиймээс энэ хэргийг дахин шалгаж, хохирогчийг дахин тогтоолгох арга хэмжээг авахыг хүсэж холбогдох газруудад хандсан нь энэ аж.