Ардчилсан намын барын өдрүүд үргэлжилж байна. Тус намынхан ардчиллын төлөөх намууд нэгдсэн өдөр болох арванхоёрдугаар сарын 6-ны өдрөө бизнес эрхлэгчддээ зориулж, тэдний төлөөллийг Төрийн ордонд хүлээн авч талархал илэрхийлсэн.  Тэгвэл тэд бас нэгэн баярын өдрөө нийгмийн зорилтод бүлэг болох 17 настнуудад зориуллаа. Сонгинохайран, Сүхбаатар, Хан-Уул дүүргийн ерөнхий боловсролын сургуулийн 2000 гаруй 17-тнууд өчигдөр Яармагийн дэнж дэх спорт цогцолборт цуглалаа. Тэд эрүүл амьдрал, идэвхитэй хөдөлгөөн, ирээдүйн мэргэжил сонголт, их бүтээн байгуулалтын мэдээлэлтэй танилцангаа, бүжиглэсэн юм. Өнөөдрийн 17 настнууд ирэх жил 18 хүрч, анх удаа Үндсэн хуулиар олгогдсон сонгох эрхээ эдлэх юм. Тиймээс тэдэнд ирээдүйдээ итгэлтэй, эрч хүчтэй ажиллаж амьдрахад нь дэмжлэг үзүүлэх үүднээс дээрх арга хэмжээг зохион байгуулжээ. 17-тнууд ийнхүү дүүрэг дүүргээрээ бүжгээр өрсөлдөн нэг өдрийг эрч хүч, итгэл найдвараар дүүрэн өнгөрүүллээ.