Монголын үндэсний геологийн алба байгуулахаар болжээ. Тус алба Ашигт малтмалын газрын харьяанд байх юм. Өнөөдөр Монголд 80 гаруй төрлийн ашигт малтмалын 1170 орд, найман мянган илрэл бий. Мөн өнөөдөр ашиглах гэж буй Таван толгой, Оюу толгой болон томоохон орд  бүгд л 1960-1990-ээд оны үед геологчдын хийсэн олон жилийн хөдөлмөр юм. Иймээс Монгол Улс газрын хэвлийдээ хэдий хэмжээний баялагтай болохыг судалж, баталгаажуулах албатай болох нь.Сүүлийн жилүүдэд геологи хайгуулд зарцуулах хөрөнгө оруулалт нэмэгдэх хандлагатай байгаа. Тухайлбал, өнгөрсөн онд 4.5 тэрбум төгрөг хайгуулд зарцуулсан судалгаа бий.