МАХН-ынхан Засгийн газраас гарна хэмээн мэдэгдээд байгаа. Тэгвэл тус намын  нарийн бичгийн дарга нарын зөвлөлгөөн өнөө өглөө эхэлжээ. Тэд цаг үеийн асуудлаар ярилцаж буй бөгөөд цаашид өдөр бүр хуралдаж байх гэнэ. Түүнчлэн МАХН алсдаа МАН-тай зарим нэг хэлбэрээр нэгдэж болох боломжийн талаар ч санал солилцсон аж. Өөрөөр хэлбэл, МАН одоогоор УИХ-д бүлэггүй, харин МАХН-МҮАН-ын “Шударга ёс” эвсэл албан ёсны бүлэгтэй байгаа. Тиймээс УИХ дахь МАН-ын төлөөллийн зарим гишүүн “Шударга ёс” эвслийн бүлэгт багтахад болохгүй зүйлгүй гэсэн байр суурийг илэрхийлсэн талаарх сураг байна.