Монгол Улс хөрш Оростойгоо харилцан визгүй зорчдог болохыг хүсч байна гэж ОХУ-ын Гадаад хэргийн сайд Сергей Лавров хэллээ. Тэрээр “Би Монголын Гадаад харилцааны сайдтай Дублинд уулзсан. Тэр Оростой харилцан визгүй зорчдог болохыг сонирхож байна. Үүнд нь ч бид баяртай байна. Энэ талаар хамтарч ажиллая гэж бид тохиролцсон” гэжээ.
“Урьд нь ч бид харилцан визгүй байсан. Шинэ Оросын үед энэ дэглэмийг сэргээнэ. Ер нь нэлээд хугацааны өмнөөс л Монгол нөхөд маань ийм санал тавьж байгаа. Гэвч нэг их хүч гаргахгүй л байсан, тэгэхээр одоо зөвшилцөлд хүрэх хэрэгтэй байна” гэж Лавров хэлсэн байна.
Арванхоёрдугаар сарын 19-нд ОХУ-ын Ерөнхийлөгчийн тусгай төлөөлөгчийн дэргэдэх зөвлөлийн хурал дээр Буриадын Ерөнхийлөгч Виктор Наговицын бас ОХУ-ын Гадаад хэргийн яаманд хандаж хөрш Монгол руу визгүй зорчдог болох асуудлыг тавьж байсан юм.