УИХ дахь МАН-ын гишүүд өчигдөр хуралдаж намын бүлэг байгуулах болон УИХ-ын зарим гишүүдээр тангараг өргүүлэх тухай асуудал хэлэлцээд хэдийнээс хойш маргаан дагуулсаар ирсэн Өвөрхангайн хоёр гишүүний тухай ярьсан байна.
Ингэхдээ Өвөрхангайн тойрогт гарсан шүүхийн шийдвэрийг хэлэлцээд “шат дараатайгаар хэрэгжүүлье. Ингэхдээ энэ долоо хоногт энэ хоёрын нэгээр нь тангараг өргүүлнэ” гэсэн шийдэлд хүрсэн бололтой.
Харин энэ шийдлээ УИХ-ын дарга болон УИХ дахь АН-ын бүлэгт албан ёсоор хэлж тохироонд хүрсэн эсэх нь тодорхойгүй байна. МАН-ын гишүүдийн энэ саналыг УИХ-ын дарга, олонхи  хүлээн зөвшөөрвөл өнөөдөр, эсвэл маргааш Г.Батхүү, Д.Зоригт хоёрын нэг нь УИХ-ын гишүүний тангаргаа өргөх бололтой. Ингэвэл У.Хүрэлсүхийн оронд орж ирэх Д.Сарангэрэл, нийслэлийн Баянзүрх дүүрэгт ялаад байгаа Д.Арвин нар бас тангаргаа өргөх юм.